Sormena helburu on batekin!

Diseinu Grafikoko Goi Mailako ikasleek arrakastaz bete dute ikasturteko lehen erronka: egutegi solidario bat diseinatzea irabazi-asmorik gabeko hainbat erakunderentzat, hala nola Zaporeak, Katuetxe, Aubixa eta Gautenarentzat, besteak beste. Proiektu horri esker, sormen-trebetasunak garatzeko aukera izateaz gain, kausa noble bati ere lagundu diote. Hona hemen gure ikasleek landutako helburuak:

• Kausa baten inguruan kontzientziatzea: Gaiaren inguruan hezten eta sentsibilizatzen duten irudiak eta mezuak sartzen dituzte.
• Komunitatearen zentzua indartzea, egutegi solidario bat lagungarria da pertsonak helburu amankomun batera bideratzeko.
• Sormena sustatzea. Argazkiak, marrazkiak edo ilustrazioak sartu dituzte, sormena landuz.
• Esanahia duen oroigarri bat sortzea, egutegi solidario bat, pertsonek gorde dezaketen zerbait da, eta hilero kausa on bati egiten dioten ekarpena gogoraraziko die.

Egutegi bakoitzak gure ikasleek komunitatean desberdintasun bat egiteko duten konpromisoa eta grina isladatu dute. Oso harro gaude zure lanaz!