Nerea Lizartza, Ander LoyarteSalesianos Urnietako irakasleak nazioarteko hezkuntza- eta ekintzailetza- jardunaldi batean parte hartuko dute.

Maiatzaren 20an, asteartea, Salesianos Urnietako bi irakaslek ordezkatuko dute ikastetxea ECCITEk (European Collaboration of Creative Institutes for Transition Education) antolatutako nazioarteko jardunaldi batean. Online egingo den topaketa honek Europa eta Estatu Batuetako hezkuntza-profesionalak bilduko ditu, hezkuntza- trantsizioari, gazteen ekintzailetzari eta lan-munduko konexioari buruzko esperientziak partekatzeko.

Oraingoan, Ander Loyartek, Lanbide Heziketako dual eta ekintzailetza arloko arduradunak, eta Nerea Lizartzak, nazioartekotzearen eta oinarrizko prestakuntzaren arduradunak, Salesianos Urnietan egiten diren hainbat ekimen aurkeztuko dituzte. Ikasleen artean ekintzailetza sustatzen duen Ikasenpresa programa eta nazioarteko mugikortasuna bultzatzen duten proiektuak izango dituzte hizpide, ikasle eta irakasleei beste herrialde batzuetan esperientziak bizitzeko aukera ematen dietenak.

Jardunaldian parte hartuko dute, besteak beste, honako erakundeetako ordezkariek:
Maryland Institute College of Art (AEB), Morley College London (Erresuma Batua), Glasgow School of Art (Eskozia) eta National College of Art and Design (Irlanda).

Salesianos Urnietatik horrelako espazioetan parte hartzea oso garrantzitsua dela nabarmendu nahi dugu, praktika onak partekatzeko, aliantza berriak sortzeko eta ikasleei eskaintzen zaien prestakuntzaren kalitatea hobetzen jarraitzeko. Informazio gehiago eta izen-ematea: https://eccite.eu/online-may-20th-2025