Euskara C1 lortzeko ikasketak

Aurreko urteetan bezala, Urnietako AEKn 24-25 ikasturterako interesgarri izango zaizuen eskaintza prestatu dugu 16-18 urte arteko gaztetxoentzat, CI mailako titulua eskuratu ahal izateko.

HABEren finantzaketari esker, 24 euroren truke Cl titulua ateratzeko klaseak jasotzeko aukera izango dute ikasleek, beren beharrei eta interesei egokitutako programazioen bidez, eta erosoa izango zaien ingurune batean.

Ordutegiak egokitu ditugu beren eguneroko eskoletatik atera, eta berehala euskarakoekin hasteko. Astean ordubeteko bi eskola aurreikusi ditugu, astelehen eta asteazkenetan, edo astearte eta ostegunetan, 15:30etik 16:30era. Horrez gain, ikasleek tutoretzak izango dituzte irakaslearekin ikasketa prozesua pertsonalizatze aldera (adibidez, idazlanen zuzenketak egiteko), eta, ekainean, mintzamen-proba prestatzeko saioak.

Gure proposamena interesatuko zaizuelakoan, ikastetxeko idazkaritzan izena eman dezakezue, 943551789 edo idazkaritza@salesianosurnieta.com  Hurrengo ikasturtean elkar ikusiko dugulakoan, zain izango zaituztegu.

 Agur bero bat,