Batxilergoa eta kirola uztartzeko aholkuak

Batxilergoa egin nahi duzu zure kirol-ibilbideari uko egin gabe? Ba al duzu batxilergoa ikastearekin bateratu nahi duzun beste jardueraren bat? Horretarako formulak eta gakoak badaude. Hona hemen batzuk.

Mikel Alonsoren bideoa deskargatu

Batxilergoa gure bizitzako hezkuntza-faserik garrantzitsuenetako bat da; izan ere, bertan, lanerako eta bizitzarako etorkizunera proiektatuko gaituen karrera lortzeko notaren zati bat jokoan dugu. Gaur egun, oso posible da batxilergoa egitea eta egunean hainbat ordu ematea zure gustuko kirolari edo zure hobby handiari.

Zure beharretara egokitutako batxilergoak badaude. Baita aukera horiek eskaintzen dituzten ikastetxeak ere. Nola? Hainbat aholku emango dizkizugu segidan batxilergoa ikasteko eta zure gustuko jarduerarekin osatzeko:

– Zenbait maila. Ikastetxe batzuek beren ikasketak pertsonalizatzen dituzte, hau da, hainbat maila egiten dituzte ikasleen profiletarako, beren interesen eta helburuen arabera. Horrela, ikasleak batxilergoa ikas dezake, bere beharretara egokitutako zenbait irakasgai eta mailarekin.

Ikastetxeek zehazki adierazten diete zer irakasgai diren egokienak ikasle bakoitzaren profilerako, eta zer errendimendu-maila eskatuko dioten ezagutzak eskuratzeko eta helburuak lortzeko.

– Metodologia pertsonalizatuak. Eskolaz kanpoko jarduera dela eta, kirol-lehiaketetan parte hartu behar baduzu eta une jakin batean eskoletara joaterik ez baduzu, metodologia jakin batzuek arrakastaz aplikatu dituzte hainbat ikastetxek helburu horiek eskuratzeko, hala nola ‘Flipped Classroom’ izeneko metodologia, esaterako. Metodo horiekin, ikasleak berak kudeatu ahal izango du bere egunerokoa arlo horretan.

Ikasleak berak ere jarraitu ahal izango ditu eskolak ordenagailuz, bere erritmoari jarraitu ahal izateko. Ikastetxe batzuk arrakasta handiz inplementatzen ari dira mota horretako metodologiak, bai egunero eskolara joan daitezkeen ikasleentzat, bai beste jarduera batzuekin bateratu eta eskolara huts egin behar dutenentzat.

– Irakasle hurbila. Aurreko bi elementuez gain, irakasle arretatsuak, prestuak eta hurbilekoak funtsezkoak dira zure helburuak lortzeko, ikasleari sortzen zaizkion zalantza edo galdera guztietan lagundu eta anima baitiezaioke. Baita haien beharretan eta ikaskuntzaren egunerokoan ager daitezkeen arazoetan laguntzea ere.

– Tutoretza pertsonalizatuak. Balantza ikasketak eta kirola uztartzearen alde egin dezakeen beste elementu bereizgarrietako bat, zehazki, ikasketen egunerokoan lagun dezakeen tutore bat izatea da. Hala, ikaslea ez da bakarrik sentituko, eta laguntza handia emango dio, aholkuak eman diezazkion.

Alderdi horiek guztiak eskaini ahal izango dizkizu ikastetxeak, zure batxilergoa eta zure gustuko jarduera uztartzeko. Baina aipatutakoez gain, badira beste batzuk zuk zeuk heldu eta jorratu beharko dituzunak. Horietako gako pertsonal batzuk:

– Argi izan zure helburuak. Bizitzan bezala, garrantzitsua da zure xedeak ondo zehaztea: noraino iritsi nahi dut? Zer lortu nahi dut? Jomuga argi eta zehatz horiekin zure buruan, bidea arinagoa eta zuzenagoa izango da.

– Ondo kudeatu zure denbora. Zure egoera beretik igaro diren ikasle askok azpimarratu dute oso garrantzitsua dela zure denbora behar bezala kudeatzea. Horretarako –Baita zure bizitzarako ere–, edonork eman diezazukeen aholkurik onenetako bat da daukazun denbora ondo kudeatzen saiatzea.

Mikel Alonso txirrindulariaren iritzia jakin nahi?

– Egin ezazu zure egutegia: denbora modu eraginkorrean kudeatzeko, oso lagungarria izan daiteke egutegi bat sortzea. Nola? Lehenik eta behin, pentsatu zure denbora nola antolatu nahi duzun eta nola antola dezakezun. Ondoren, zirriborro baten bidez planifika ezazu, eta, azkenik, egutegi zehatz bat egin, egin beharreko lanak eta denbora zehaztuta.

– Zentratu jarduera bakoitzean. Garrantzitsua da, zure denbora ondo planifikatu ondoren, adostutakoari jarraitzea eta egin beharreko zeregin bakoitzean kontzentratzea. Ez utzi kirola egiteko garaian edo jarduera gustukoenean beste era bateko pentsamenduak hartzen. Horretarako, zure jardueren egutegia egin duzu, jarduera bakoitzean arreta eta kontzentrazio egokia jartzeko.

– Zaindu atsedena. Batxilergoko ikasketak eta kirola uztartu ahal izateko jarduerak egutegian ezarri behar diren bezala, funtsezkoa da atseden hartzeko denbora hartzea, atseden-uneak hartzea eta, zalantzarik gabe, behar diren orduak ondo lo egitea. Horrela bakarrik lortuko da errendimendu akademiko eta kirol errendimendu optimoa.

Azkenik, eta ia garrantzitsuena, jarrera da: baikorra, diziplinatua eta ezarritako asmo eta helburuekin konprometitua izatea garrantzitsua da. Helmuga hasieran urrun dagoela dirudi, baina motibazio, gogo eta antolaketarekin lor daiteke batxilergoaren ikasketa eta kirola edo beste jarduera batzuk uztartzea, zalantzarik gabe. Zuk ahal duzu.

Ikus Mikel Alonsok zer dioen batxilergo eta txirrindularitzari buruz