20. Korrika
Udaberriaren etorrerarekin, bi urtez behin ospatzen den Korrika-ren beste edizio baten atarian egongo gara. AEK_ko euskaltegiek antolatzen duten euskararen aldeko lasterketa da; lekuko bat eramaten da hasieratik amaierara eta irauten duen egunetan ez da gelditzen, ez gauez eta ez egunez.
Aurtengoa 20.edizioa izango da eta martxoaren 30ean hasiko da Otxandion eta apirilaren 9an bukatuko da Iruñean.
Urnietatik apirilaren 4an, asteartea, igaroko da goizeko 10:30 aldera eta Salesiar Ikastetxeko ikasle, irakasle eta gainontzeko langileak parte hartzeko asmotan dira, ikastetxearen aurrean lekukoa hartu eta korrika saio txiki bat euskararen alde emanaz.