Tutoretzaren garrantzia
Askotan oharkabean pasatzen den edo gutxietsi ohi duten ikastetxe bateko irakaskuntzaren alderdi garrantzitsuenetakoa da. Tutoretza-ekintzari buruzko hainbat gako emango dizkizugu, ikasleei beren helburu akademikoak eta bizi-helburuak lortzeko laguntza eta gida emateko tresna gisa.
Nork ez du ezagutu ikaskideren bat unibertsitateko karrera aukeratzen asmatu ez zuena, aholkularitza-faltagatik? Bizitza akademikoa zein pertsonala kudeatzeko laguntza behar duen ikasleren bati? Tutoretza-aholkularitza gakoetakoa dugu gaur egun ikasleen hezkuntza-garapenean, besteak beste, eskola-porrota murrizteko eta gatazkak ekiditeko.
Jaso ezazu gaian inguruko bi irakasleren BIDEO sakona
Nerea Lizartza Magale Ikastetxeko irakaslearen hitzetan, “garrantzitsua da ikasle bakoitzaren banakako zein taldeko beharrak aztertzea, ondoren, ikaslearen premiak asetzeko, bai beretzat, bai ikaslearen interakziorako espazioentzat”. Lizartzak “pertsonaren segurtasuna” azpimarratu du funtsezko oinarri gisa; izan ere, uste du bestela zaila dela behar bezala eboluzionatzea.
Horretarako, noski, oso garrantzitsua da ikastetxearentzat ikasle bakoitza ezagutzea. Hau da, indibidualizazioa funtsezkoa da laguntza-prozesu horretarako. Hori da lehenengo urratsa, ondoren tutorearen eta ikasleen arteko harreman egokia garatzeko.
Ildo beretik mintzatu da ikastetxe berbereko Nerea Gómez irakaslea ere: “Garrantzitsua da ikaslea ezagutzea, zer duen ‘motxilan’, nolakoa den, emozionalki nola dagoen, zer egoeratan dagoen, hurbiltasun hori erakustea, irakasleekin eta ikasleekin konfiantza izan dezan. Zerikusi handia dugu guk honetan guztian”.
Izan ere, ikastetxeak eta tutoreek jakin behar dute pertsona bakoitza ingurune ezberdin batetik datorrela, eta dimentsio guztietan ezagutu behar direla, garatzen laguntzeko. “Pertsonaren jarrera klasetik kanpo edo barruan aldatzea gerta daitekeelako. Beraz, garrantzitsua da alderdi guztiak aztertzea, segurtasuna emateko eta daukan onena eman ahal izateko”, Lizartzak azaldu duenez.
Tutoretzaren zergatiak jakin nahi al dituzu?
Norabide berean arraun egitea
Garrantzitsua da azpimarratzea irakasle, giro on eta laguntzeko prest dauden gurasoekin topo egiten dutenean ikasleek. Hala, ibilbidea askoz errazagoa bihurtzen da. “Garrantzitsua da guztiok talde bat izatea, eta badagoela sentitzea, bai irakasleentzat bai ikasleentzat”. Irakasleak azaldu duenez, azken horiek talde horren barruan “non dauden” senti dezatela.
Zentzu horretan, azpimarratu behar da ikasleak garrantzi handia duela: “Kontua ez da inor baino gehiago sentitzea, baina mundu guztiak du bere lekua eta ikasleak dira talde horren erdigunea”, adierazi du Gomezek.
Izan ere, ikasleak prozesuaren protagonista sentitzeaz gain, ikasleek beren ikaskuntzan erantzukizunak har ditzaten saiatu behar da, hau da, lehen aipatutako taldearen barruan.
Horrela bakarrik murriztu ahal izango da eskola-porrota, eta hezkuntza-sisteman mantendu ahal izango dira beste arrazoi batzuengatik utz dezaketenak, baldin eta tutoretza-analisi egoki baten bidez konpondu ahal izan badira.
Konponbidearen giltza
Horregatik guztiagatik, aitortu eta baloratu egin behar da tutoreak ikastetxe batean duen eginkizun nagusia, eta ikastetxe bat aukeratzeko orduan, alderdi horretan egiten duen zaintzari eta lanari erreparatu behar zaio.
Izan ere, hezkuntzaren zati bat gehiago izateaz gain, kasu askotan proposamenak, ilusioak eta konponbideak sortzen dituen funtsezko pieza gisa bihurtzen da tutoretza, alegia, beso artikulatzaile gisa edo, are gehiago, gatazkak konpontzeko edo saihesteko eta horiek gizarteratzeko eta hezteko motor bihurtzeko gai den giltzarri gisa.
Ikusi bi tutoreren arteko solasaldia gaiaren inguruan
