Hernaniko Ekhilur

ARI1, SEA1 eta DEPIM1 eko ikasleek Ekhilurrek antolatutako tokiko ekonomiari buruzko hackathon batean parte hartuko dute.

Gaur, ARI1, SEA1 eta DEPIM1 ikasle batzuk, Natalia Alcubilla irakaslearekin batera, Hernanira joan dira Ekhilur eredu ekonomiko bidezkoagoa eta iraunkorragoa sustatzen duen tokiko kooperatibak antolatutako saio batean parte hartzeko.

Ekhilurrek bertako txanpon digital bat sortu du hurbileko merkataritza bultzatzeko helburuarekin. Diru honekin, “ekhi” deiturikoarekin, erosketak udalerriko establezimendu atxikietan bakarrik egin daitezke. Gainera, horrekin ordaintzen dutenek hobariak jasotzen dituzte, tokiko denda eta zerbitzuetan kontsumoa sustatuz.

Ekimen honen helburua argia da: inguruko ekonomia dinamizatzea eta indartzea, saltokien eta kontsumitzaileen arteko lankidetza-sareak ehunduz. Horrela, erosketa bakoitzak zuzenean laguntzen du herri eta auzoak bizirik mantentzen, gure komunitateei nortasuna, bizitza eta enplegua ematen dieten denda txikiei lagunduz.

Jardunaldian zehar, ikasleek hackathon batean parte hartu dute, txanpon digital honen funtzionamendua bertatik bertara ezagutzeko. Taldeka antolatuta, bakoitzak 50 “ekhi” jaso zituen Hernaniko dendetan gastatzeko. Esperientziaren ondoren, ondorioak eta proposamenak aurkeztu zituzten Iturolan epaimahai baten aurrean.

ARI1ekoak irabazi dute, eta 300 “ekhi” -rekin saritu dituzte, Hernaniko dendatan gastatzeko, horrela gozatzen eta laguntzen jarraitzeko.