Titulazio honek balio anitzeko irteera perfila eskaintzen dizu eta horri esker grafikagintzaren alorrean hainbat lanpostutan lan egiteko aukera ematen dizu: diseinatzaile (grafikoa, editoriala, web orriena...), testuen maketatzailea, multimedia garatzailea, inprimategietan (offset, serigrafia, tanpografia), etab.
Logotipoak sortuko dituzu, marken eskuliburuak egingo dituzu, ontziak, infografiak eta argazkigintza kanpainak diseinatuko dituzu, web guneak garatuko dituzu, etab.
Formakuntza honek teoria eta proiektuetan oinarritutako praktikak uztartzen ditu.
Irudiei ukituak ematen, Photoshop-arekin muntaia profesionalak egiten, logotipoak eta flyers-ak diseinatzen Illustrator-arekin, kartelak egiten, liburuxkak eta liburuak maketatzen edo PDF interaktiboak eta liburu elektronikoak sortzen Indesign-arekin, packaging ontziak sortzen, web guneak diseinatzen, letra eta kolorekin lan egiten, kamisetak serigrafiatzen, eta askoz gehiago...
Formazio honek praktiketako orientabidea du eta enpresetara bideratua dago, Lantokiko Prestakuntzarekin (L.P.), Lanbide Heziketa DUALArekin Txandakako Erregimenean eta atzerrian egindako lan-praktikekin, ERASMUS+ Programari esker..
Publizitate agentzietan, editorialetan, diseinu eta argazkigintza estudioetan, inprimategietan, web diseinu eta multimedia estudioetan, freelance bezala...
Zure enpresa sortzeko behar dituzun ezaguera eta erremintak eskaintzen dizkizugu, IkasEnpresa eta UrratsBat programen bidez.
