MENUA 

Albisteak

  Hezkuntza emozionaleko formakuntza

Azaroan hasiko dira gurasoentzako eskainiko diren Hezkuntza Emozionaleko ikastaroak.

Geure artean nork ez du sekula tristura, poztasun, frustrazio, beldur edo haserrerik sentitu? Oso ongi dakigu, emozioek geuregan duten indarra eta horren ondorioz, egoera edo persona batzuengana gerturatu edo beraiengandik aldendu egiten gaituzte. Nork ez ditu emozio horiek inguruko pertsonengan nabaritu edo ikusi? Jakin badakigu, izandako esperientziarengatik, geure arteko erlazioetan duten eragina, aberasgarriago edo desengainarriagoak izango direlarik.
Guretzak erlaziorik garrantzitsuenak, seguraski, geure bikotekide edo seme-alabekin ditugunak izango dira. Erlazio horietan ikusten dugu, beste edozeinetan baina argiago, geure emozio guztien nahasketaren ondorioz hartzen ditugun jarrera desberdinak.


Geure emozio, pentsamendu eta jarrera horiei buruz gehiago jakin ahal izateko, azaroaren 6tik aurrera 15 orduko bi ikastarori emango diogu hasiera. Astelehenetan izango dira eta bi ordutegi izango dira aukeran: 15:00etatik 18:00etara eta 18:00etatik 21:00etara. Formakuntza honek geure seme-alabak zoriontsuagoak izaten lagunduko diguten bideak topatzen lagunduko digu, hori izaten baita edozein gurasorentzat desiorik garrantzitsuenetakoa. Geure buruaren autoezagutzarako ere baliagarri izango zaigu, izan ere, bai baitakigu, egunero jaso dezakegun ezagutzak bizi osorako izaten dela.

Cookie-ak erabiltzen ditugu gure zerbitzuak hobetzeko. Nabigatzen jarraituz gero, berauen erabilera onartzen duzu. Informazio gehiago